II కరుగుతున్న స్వప్నం II
నా స్వప్నం కరిగి పోతోంది
ఆశలను ఆవిరి చేస్తూ
నిరీక్షణలను విఫలం చేస్తూ...
ఒంటరితనం అంబరాన్ని తాకుతోంది
అలుపెరగని ఆలోచనలకు తెర తీస్తూ
మరుపుకు నోచని అనుభవాలను మెలిపెడుతూ
చేరువవుతున్న గమ్యాలకు ఘోరీ కడుతూ.
దిశలెరుగని జీవితానికి
రెక్కలోచ్చాయేమో,
చెలి చిరునామాకై
పదే పదే వెదికి వేసారిన హృదయానికి
సాంత్వన దొరుకుతుందేమో .
కారుమబ్బులే చుట్టూ కమ్మేస్తూ ,
మండే కిరణాలే మదిని గిచ్చేస్తూ
మనసు అద్దంలో చెలి ప్రతిబింబం
నా ఒంటరితనాన్ని వెక్కిరిస్తూ...
bulli............8/8/2013
No comments:
Post a Comment