Pusyami Sagar ==== పేగు బందం =====

"కొన్ని కలలని కుప్ప గా పోసి
నిన్ను లోకం లో తెచ్చినప్పుడు
ఊహించలేదు పేగు బందం
బరువు గా తోచి దూరం గా విసిరేస్తుంది అని

నీ ఆశల సౌధాలకు
ఇటుకలు గా మారి
ఇంతింతై వటుడింతై నప్పుడు
వెల కట్టలేని సంతోషాన్ని
మూట కట్టుకున్నారు ..

ఇంకొకరి తో నువ్వు ముడి పడినప్పుడు
నూరేళ్ళ ఆశిస్సులని నీలో నింపారు ...

తమ సర్వం ధార పోసినా .....నువ్వు ఇచ్చినదేమిటి ?

స్వార్ధం పొరలతో కప్పబడి
అహంకారం నరనరాల్లో ఎక్కించుకొని
చెప్పుడు మాట లు విని
గుండె ని తూట్లు పొడిచావు ...

తమ కడుపు కట్టుకొని నీ ఆకలి తీరిస్తే....
వంతులేసుకొని ..
పస్తులు పరుండ బెడుతున్నావు .....

"అమ్మా " అని నువ్వు గాయం తో అరిచినప్పుడు
తన ప్రేమ తో నీకు మందు గ మారి తే
నిర్దయ తో ...నిలదీస్తున్నావు
నువ్వెందుకు సచ్చిపోవు అని ....

నీ ప్రతి వోటమి గెలుపు గా మార్చి
దారి చూపిస్తే ....
దిక్కు మొక్కు లేని "అనాధల శరణాలయం " నికి దారి చూపించావు ...

సంస్కారం న్ని తగలబెడుతూ
విలువలన్నీ కాల రాస్తూ ....
నువ్వెంత ఎత్తు లో ఎదిగిన
లోకం అంతా నిన్ను భుజాల ఫై ఎక్కి కీర్తించినా
ఎదగని మొక్కవె ....
మానవత పొలం లో .....
కలుపు మొక్కవె....
తల్లి ..తండ్రులను ఆదరించని పుత్ర్రులు .బిడ్డలు .పుట్టనేల ..గిట్టనేల...

(ఎందరో తల్లి తండ్రులు ...నిరాదరణ కు గురి అవుతూ....అందరు వుంది కూడా అనాధ లా "శరణాలయం లో" బతుకు ఈడుస్తున్న అందరి కి ...అంకితం ...
//సాగర్// 24-07-2013